నవతరానికి నాంది స్త్రీశక్తి మానవత్వములోమేటి మహిళ

సింహాచలం దేవస్థానం ధర్మ కర్తల మండలి మాజీ సభ్యులు,జాతీయ జర్నలిస్టుల సంఘం కార్యదర్శి గంట్ల శ్రీనుబాబు మాట్లాడుతూ మహిళామూర్తుల సేవలు సమాజానికి ఎంతో ఉపయోగపడుతున్నాయన్నారు. ప్రతి ఏడాది మహిళా జర్నలిస్టుల ప్రతిభను ప్రోత్సహిస్తూ విశిష్ట ప్రతిభా పురస్కారాలు అందిస్తున్నట్లు శ్రీనుబాబు తెలిపారు. ఈ కార్యక్రమ నిర్వాహకురాలుబ్రహ్మకుమారి ఈశ్వరీయ మెడిటేషన్ ఇన్చార్జి బి కె రామేశ్వరి అక్కయ్య మాట్లాడుతూ ఎక్కడైతే మహిళలు సంతోషంగా ఉంటారో, అక్కడ ప్రగతి చాయలు కనిపిస్తాయన్నారు.ప్రణాళిక బద్ధంగా , అంకితభావం, త్యాగాలకు మహిళలే చక్కని చిరునామాలుగా అభివర్ణించబడుతున్నారని తెలిపారు .నాటి సీతా దేవి నుంచి నేటి సునీతా విలియమ్స్ వరకు మహిళలు అన్ని రంగాల్లోవారు కోరుకున్న రీతిలో పురోగతి సాధించారు అన్నారు.సీనియర్ జర్నలిస్ట్ జాతీయ కొరియోగ్రాఫర్ ఆర్. నాగరాజు పట్నాయక్ అధ్యక్షతన జరిగిన ఈ కార్యక్రమంలో నగరానికి చెందిన జర్నలిస్టులు అధిక సంఖ్యలో పాల్గొనగా, వారిలో 15 మంది మహిళ మీడియా జర్నలిస్టులకు, ఈనెల 8న జరగనున్న అంతర్జాతీయ మహిళా దినోత్సవం పురస్కరించుకొని విశిష్ట ప్రతిభా పురస్కారాలను నగర పోలీస్ కమిషనర్ సతీమణి శుభోశ్రీ చేతుల మీదుగా ప్రధానం చేశారు. ఈ సందర్భంగా కళాకారిని చిన్ను చేసిన శాస్త్రీయ నృత్యం, డెబ్బీర్ హర్ష గీతాలు పలువురుని ఎంతగానో ఆకట్టుకున్నాయి..