అ అంటే అనాధలు కాదు... ఆ అంటే ఆత్మీయులు” – వెన్నెల ట్రస్ట్ ఉద్వేగ నినాదంతో బాలికల కోసం ప్రత్యేక కార్యక్రమం

“ చీకటిలో మిగిలిన జీవితాల్లో వెలుగులు నింపాలనే సంకల్పంతో స్థాపించబడిన ఎస్‌ఎస్‌ఎస్ వెన్నెల ట్రస్ట్ అండ్ ఫౌండేషన్ ఆధ్వర్యంలో, ఈ నెల 16వ తేదీన విశాఖపట్నంలోని విఎంఆర్‌డిఏ చిల్డ్రన్స్ అరేనా లో ఓ ప్రత్యేక కార్యక్రమం జరగనుంది. ఈ కార్యక్రమానికి సంబంధించిన వివరాలను ట్రస్ట్ సభ్యులు విశాఖ పబ్లిక్ లైబ్రరీలో ఏర్పాటు చేసిన విలేకరుల సమావేశంలో వెల్లడించారు. ఈ సందర్భంగా ట్రస్ట్ చైర్మన్ శ్రీ సదాశివుని రవితేజ మాట్లాడుతూ, “అ అంటే అనాధలు కాదు... ఆ అంటే ఆత్మీయులు” అనే భావనతో ఈ ట్రస్ట్‌ ను స్థాపించామని పేర్కొన్నారు. ముఖ్యంగా ఆడపిల్లల సంరక్షణ, విద్య, వైద్యం, క్రీడల్లో పురోగతి వంటి రంగాలలో వారికి తోడుగా ఉండడమే తమ ప్రధాన లక్ష్యమన్నారు. 5 నుండి 18 ఏళ్ల వయస్సు మధ్య ఉన్న బాలికలకు నీడగా నిలవాలనే ఆశయంతో ఈ కార్యక్రమాన్ని నిర్వహిస్తున్నట్టు తెలిపారు. ఈ కార్యక్రమంలో డ్రీమ్ షెల్టర్స్ సౌజన్యం అందించగా, ప్రముఖులు, కళాకారులు పెద్దఎత్తున పాల్గొననున్నారు. ప్రధాన ఆకర్షణలుగా: జబర్దస్త్ టీం కళాకారులు ప్రముఖ ప్లేబ్యాక్ సింగర్ సమీరా భరద్వాజ్ జానపద కళాకారులు సినీరంగానికి చెందిన ప్రముఖులు .